हरि तुम बहुत अनुग्रह कीन्हों
साधन धाम बिबुध दुर्लभ तनु मोहि कृपा कर दीन्हों
कोटिहुँ मुख कह जात न प्रभु के एक-एक उपकार
तदपि नाथ कछु और माँगिहौं दीजे परम उदार
विषय बारि मन मीन भिन्न नहीं होत कबहु पल एक
ताते सहौं विपति अति दारुण जनमत जोनि अनेक
कृपा डोर बनसी पद अंकुश परम प्रेम मृत्यु चारो
एहि बिधि बेधि हरहु मेरो दुख कौतुक नाम तिहारो
है श्रुति विदित उपाय सकल सुर केहि केहि दीन निहोरै
तुलसीदास यहि जीव मोह रजु जेहि बाँध्यौ सोई छोरै
hari tum bahut anugrah keenhon
saadhan dhaam bibudh durlabh tanu mohi krpa kar deenhon
kotihun mukh kah jaat na prabhu ke ek-ek upakaar
tadapi naath kachhu aur maangihaun deeje param udaar
vishay baari man meen bhinn nahin hot kabahu pal ek
taate sahaun vipati ati daarun janamat joni anek
krpa dor banasee pad ankush param prem mrtyu chaaro
ehi bidhi bedhi harahu mero dukh kautuk naam tihaaro
hai shruti vidit upaay sakal sur kehi kehi deen nihorai
tulaseedaas yahi jeev moh raju jehi baandhyau soee chhorai
